Guatemala-in anti-corruption commission hnawtchhuak

Guatemala sorkar chuan Thawhṭanni khan UN thlawp anti-corruption commission, International Commission Against Impunity in Guatemala (CICIG) chu an ram aṭangin a hnawtchhuak. Commission hian Guatemala President Jimmy Morales chungchang a chhuichiang mek a ni. 

Guatemala Foreign Minister Sandra Jovel-i chuan UN body chu an ram chhuah-san turin darkar 24 hun pek a nih thu a sawi. 

Jovel-i chuan President Morales chuan eirukna do hna a thawk chhunzawm zel dawn tih a sawi a, hetihlai hian commission-in a chungchang a chhui danah inhriatthiam lohna a awm tih a sawi bawk. 

Kum thum kaltaa Guatemala President atana thlan, Morales hian UN Commission hi a thlawh thu a lo sawi tawh ṭhin a, he commission hian eiruk chungchangah senior official leh executive eng emaw zat chhuiin, thubuai siamsak an nih theihna turin prosecutor-te a pui ṭhin. Mahse President Morales chungchang an chhui tak hnuah, president hian commission a ngaihdan pawh hi a ennawn tur thu a lo sawi tawh a ni. 

CICIG hian Morales hi kum 2015 inthlan dawn campaign laia sum a hmuh dan dik tawk lo chungchangah thubuai siamsak turin a ti a ni. Hei bakah hian a chungthu chhui chian a nih theihna tur hian President a nihna anga hum a nihna chu titawp turin a phut bawk.