Nigeria sipaiten Boko Haram hel 100 chuang kaphlum

9th January, 2019

Nigeria sipaite chuan an ram hmarchhak biala beihpui an thlaknaah Boko Haram hel mi 100 chuang an kaphlum tih an sawi.

Sipaite hian hmarchhak lam state pahnih, Borno leh Yobe-ah hel lakah hian beihpui an thlak a ni. Hel tam tak an kahlum bakah an kut aṭang hian silai leh silai mu ṭhahnem tham tak an man bawk.

Sipai thupuangtu Sani Kukasheka Usman chuan Nigerian Air Force (NAF) chuan Boko Haram ho hmun eng emaw zat an kahchhiat sak thu a sawi bawk a, Lake Chak bakah ramri bula Boko Haram te inkhuarna hmunah beihpui hi thlak chhunzawm zel a ni tih a sawi.