Bird flu vangin Australia-a seal note 75% chuang thi

Scientist-ten nikum October leh kumin January thla inkara data an zirchianna aṭangin, Australia rama Hard and McDonald Island-ah seal note 13,000 vel chu bird flu vangin an thi. Thi zat hi hemi hun chhung seal no piang zat aṭanga 75% aiin an tam zawk a ni. Hemi hun chhung vek hian penguin no pawh tam tak an thi bawk.

Heard and McDonald Islands hi Australia chhim thlang lama awm a nia, seabird leh seal an tam hle a, no an neihna hmun pawimawh tak a ni. Australia hi bird flu, H5N1 strain case awm lohna khawmualpui awmchhun a ni reng ṭhin a; mahse zirchianna an neih hnuhnung berah a hmun tlawha species pakua sample lak bakah, drone survey chu hman a ni. Species paruk sample an endikah H5N1 strain hi hmuh niin hengte hi southern elephant seal, king leh gentoo penguin, Antarctic fur seal leh South George diving petrel te an ni. Nikum khan seal no thi tam tak hmuh an nih avangin scientist-te chuan bird flu a lut nia hlauthawngin zirchianna hi an nei a ni.

Scientist-te chuan bird flu hi nikum August thla vel khan France hnuaia Crozet Island, km 1,800 vela hla aṭanga sava pem lutten an pu lut nia a lan thu an sawi. Australian Antarctic Program chuan an ram huam chhunga bird flu len dan hi uluk taka an thlithlai zel tur thu an sawi.