Israel leh Hezbollah inkap leh

Israel leh Hezbollah te chu Ningani khan Lebanon chhim lamah nasa taka inbei lehin, inkahhai an puan hnua an inbeihna nasat ber ṭum a ni.

Iran thlawp helpawl, Hezbollah chuan Lebanon chhim lama Nabatieh khaw bula Israel sipaite chu rocket hmangin vawi eng emaw zat an kap a ni. Israel hian chhang letin he khawpui leh a chhehvelah airstrike an nei ve nghal a, mi 16 an thih bakah hliam 33 an awm niin Lebanon health ministry chuan a tarlang.

Israel chuan US-Iran inremna siam leh inbiakna neih turin a huam tel ve lo tih a sawi a, hei vang hian Lebanon-a Iran thlawp helpawl, Hezbollah laka beihpui an thlak chu a chhunzawm thar leh a ni. Lebanon chhim lama an inbeihnaah an sipai pali an thi niin an sawi bawk a, tih zinga pakhat chu lieutenant colonel a ni. Hezbollah in an sipai pali an thahsak hnuah Israel national security minister Itmar Ben-Gvir chuan social media-ah Lebanon pum chu hal darh vek a ni tur a ni tiin a post a, finance minister Bezalel Stomach pawhin Israel chu Hezbollah ho tan hremhmun kawngka hawng turin a ti bawk.