Myanmar sipaiten Rakhine state an beihnaah mi 7 an thi

Myanmar sipaiten Ningani khan an ram khawthlang lam, Rakhine state-a Kyauktaw khua chu thlawhtheihna hmangin an bei a, civil mi pasarih an thi. Thi zingah hian naupang kum nga mi pawh a tel tih chhan chhuah hna thawktute chuan an sawi.

Sipaite hian China leh Russia jet hmangin sipai dodaltu, hnam bil pawl hrang hrangte a bei ṭhin a, hetihlai hian rights group chuan civil mite beih tel an ni fo tih an sawi a ni. Ningania sipaiten an beih, Kyauktaw khua hi Bangladesh ramri bula awm a ni a, jet pathumin khaw chhung leh a chheh velah bomb pakua an thlak nia sawi a ni. In pawh eng emaw zat a kang bawk. Sipai lam chuan he thil thleng chungchangah hian sawi an la nei lo.

Rakhine state pum deuh thaw hi Arakan Army (AA) a, an pawl hi tualchhung indoan thlengah pawikhawihna rapthlak tak tak thlenah puh an ni bawk. Hetih lai hian Rakhine state pawn lamah sipai lamin hma an la zel a, an state hi luh leh chhuah theih lohin an dangping a ni. Hei vang hian tualchhung indona avanga harsatna awm a tizual a, mipuite chunga harsatna nasa tak an thlen phah bawk a ni.