Spain PM nupuiin eiruk thubuai hmachhawn dawn

Spain prime minister Pedro Sanchez-a nupui, Begona Gomez chu eirukna thubuai chungchangah thubuai hmachhawn tura tih a nih bakah, Spain ram a chhuahsan khap a ni bawk. He thutlukna hi Inrinni khan judge-te an siam a ni.

Begona Gomez hi Prime Minister nupui a nihna hmang ṭangkaiin, contract hna lo la ṭhinah rinhlelh a ni a, far-right pawl hrang hrangten an hek a ni. Mahse, amah chuan thil dik lo engmah a tih loh thu a sawi thung. A thubuai chhuitu, judge Juan Carlos Peinado chuan Gomez-i hi a passport theh lut tur leh Spain ram chhuahsan lo turin a hriattir a, thla tin vawi hnih court-ah in report turin a ti bawk.

PM Sanchez hi a nupui thubuaiah hian a hming sawi lan tel a ni lo a, mahse hei hi amah paihthlak tuma an beihna a ni tih a sawi. Sanchez-a hi Europe rama 'leftist leader' la awm tlemte zinga pakhat a ni.