SKorea Justice Minister hlui kum 25 tang turin hrem

South Korea-a Seoul Central District Court chuan nimin khan an ram justice minister hlui, Park Sung-jae chu kum 2024-a president hlui, Yoon Suk Yeol-a martial law puanah inrawlhna a nei nia puhin thiam loh a chantir a, kum 25 tang turin a hrem.

President hlui Yoon-a'n kum 2024 December thlaa martial law a puan chuan darkar ruk chauh awh mah se, he thil avang hian Yoon hi thiam loh chantirin dam chhung tang tura hrem a lo ni tawh bawk. Prime minister hlui Han Duck-soo pawh kum 15 tang tur leh, interior minister hlui Lee Sang-min chu kum kua tang turin hrem an lo ni tawh a ni.

Yoon hian martial law a puan dawn hian Justice Ministry official-te chu meeting neihpuiin, Justice Minister hian martial law kenkawh kawnga a thawhpui tur thu pawh a hrilh niin an sawi.