US leh China ten Beijing-ah trade war talk nei ṭan

US leh China chuan nimin aṭang khan Beijing-ah trade war talk an nei ṭan a, he hunah hian insumdawn tawnna chungchanga an inkara inrem lohna awm chungchang an sawi ang.

Kum kalta khan ram pahnih hian sumdawnna kawngah innghirnghona an nei fo a, an bungrawn ṭhenkhatah chhiah dollar vaibelchhe tam tak hu an insiam tawn a ni. 

Inbiakna hi vawiin thleng hian an nei dawn a, bungraw ṭhenkhata hrekna an siam titawp hrih tura thutlukna an siam aṭanga ni 90 hnuah inbiakna hi an nei a ni. US aiawhte hi Deputy US Trade Representative Jeffrey Gerrish hoin an kal niin official-te chuan an tarlang.

Ram pahnihte inkara inrem lohna awm hi Beijing meeting hmang hian eng emaw zat chu chinfel a nih beisei a ni a, Capital Economics-a economist Julian Evans-Pritchard chuan industrial policy leh intellectual property rights-te chu an sawi ber tur a nih thu a sawi.

White House chuan December thla khan ram pahnih hian inbiakna an neih dawn thu lo sawi tawhin China-in dik lo taka insumdawn tawnna a kalpui avangin buaina hi an tawk niin an lo sawi tawh bawk.