Senator-te’n Duterte an dem

Philippines President Rodrigo Duterte-aín Davao khaw mayor a nih lai a, pawikhawihtu leh thilsualtitu eng emaw zat chu ama kut ngeiin a tihlum tih a sawi chu Philippines senator pa≠hnihte chuan an dem thu leh, President a nihna aṭanga paihthlak a nih phah theihna tur a ni, an ti.

Duterte hian Mayor a nih laiin Davoa khawpui then thianghlimna tura beihpui a thlakah, amah ngeiin motorcyle hmangin kawt≠thlerte fangin, thilsual titu thah turte a zawn
ṭhin thu a sawi a, hei hi police-teín an entawn atana ti a nih thu a sawi bawk. Duterte chuan amah ngeiin dan bawhchhetute a tihhlum ngam chuan, police-te pawh chuan an ti ngam ve tur a ni, a ti.

Senator Leila de Lima chuan Duterte-a thusawi chu amah paihthlakna tur khawp thil a ni tih sawiin, a chetdan chu mipuite rinna phatsanna leh, pawikhawihna lian tham tak a ni, a ti. Senate justice committee hotu Senator Richard Gordon pawhin Duterte chuan paihthlak a nih theihna tur kawng a hawng niin a sawi bawk.

Hetih lai hian Duterte thlawptu chuan eptute chu president paihthlakna tur motion pu lut turin an cho let thung. President paihthlakna motion hi put luh a nih chuan Parliament lower house, Congress-a member hmun thuma ṭhena hmun hnihin an thlawp a ngai. Member 293 awmna Congress-ah hian eptute hian member 50 pawh an nei pha lo a ni.