Austria MP-te’n Hitler-a pianna in lak an remti

Austria MP-te chuan Nazi hotu, Adolf Hitler-a pianna in chu sorkarin a lak an remti.

Kum 1889-a Hitler-a pian≠na, Braunau am Inn hi hun rei tak an inchuh tawh a, a neitu Gerline Pommer-i chuan hralh emaw, chei ṭhat emaw a remti ngai lo. Mahse Parliament chuan sorkar kuta dah a nih theihna tur bill siamin, hei hi MP-te chuan an pawm ta a ni.

In neitu Pommer-i hi zangnadawmna pek a ni dawn a, mahs he in hi sorkarin eng atan nge a hman zui dawn tih erawh sawichian a la ni lo.

Hitler-a pianna hi local charity-te chuan day centre leh taksa lama harsatna neite puala workshop neihna hmun atana a hmang ṭhin. Mahse Pommer-i hian he in hi chei ṭhat a remtih loh vangin charity hi kum eng emaw kalta khan a chhuahtir a ni. Chhawng thuma sang, Hitler-a pianna in hi Nazi thlawptu khualzinte hiptu hmun pawimawh taka chantir a nih tur ven nan sorkar hian Pommer-i hi kum rei tak in luah man ṭha tak a pe ṭhin.

Mi tam tak chuan Hitler-a pianna in hi tihchhiat vek an duh a, an zingah hian Interior Mi≠nister Woflang Sobotka pawh an tel. Mahse cultural organisation-te chuan he building hi an ram chanchina thil pawimawh tak chhinchhiahna pakhat a ni tiin humhalh an phut thung.