Bangladesh: Public administration minister vuiliam

Bangladesh public administration minister leh sorkar lai party general secretary hlui Syed Ashraful Islam chu Pathianni khan vuiliam a ni ta.

Syed Ashraful Islam hi an ram khawpui Dhaka-ah vuiliam niin vuinaah hian a cabinet puite bakah mipui sang tam tak an kal a, President Abdul Hamid leh Prime Minister Sheikh Hasina-te chuan zahna an lantir bawk.

Islam hi kum 67 mi niin Ningani zan khan Bangkok-ah cancer vangin a thi a ni. Kum 2009 khan sorkarna siam mek, Awami League party general secretary atan thlan niin, term hnih chhung he dinhmun hi a chelh a, 2016 thleng khan an party GS hi a ni zui a, hemi hnuah hian Awami League presidium member atan ruat a ni leh a ni. Awami League presidium hi an party-a policy siamtu sang ber an ni nghe nghe.

Syed Nazrul Islam fapa Syed Ashraful Islam hi Bangladesh acting president pawh lo ni tawh a ni a, Bangladesh founding father Sheikh Mujibur Rahman, Liberation War vanga 1971-a a theih loh lai khan acting president dinhmun hi chelhtir a ni.