Cairo bulah Middle East cathedral lian ber hawng

Egypt khawpui Cairo khawchhak lama adminis-trative capital tharah Pathianni khan Middle East-a cathedral lian ber chu hawn a ni.

President Abdul Fattah al-Sisi chuan Egypt-a cathedral lian ber hi hawngin, Cathedral of Nativity tiin an sawi bawk a ni. Cathedral-ah hian Pathianni khan venhimna khauh tak hnuaiah Mass hmasa ber nei a ni nghal bawk.

Egypt hi Muslim tamna ram niin Coptic Kristian hi 10% vel an awm ve nia tarlan a ni. Kristian tam tak chuan venhimna an dawng ṭha lo nia sawiin enhran an nih thu an sawi fo ṭhin. Egypt-a Kristian awmte hi Copric Kristian tiin an insawi ṭhin a ni.

Abdul Fattah al-Sisi hian extremist-te laka Kristiante humhimtu a nih thu a sawi ṭhin a, cathedral hawnnaah pawh hian cathedral leh  Al-Fattah Al-Aleem mosque hawnna chuan inpum-khatna thuchah a kengtel niin a sawi. 

Sisi chuan Kristian leh Muslim-te chungchang sawiin pumkhat an nih thu leh an nih zel dawn thu a sawi bawk. Al-Fattah Al-Aleem Mosque pawh hi administrative capital tharah tho hian sak mek niin, cathedral-a leng let dawn mihring an leng dawn thung a ni.