Pakistan human rights activist dam chhung tang turin hrem

Pakistan human rights activist lar, Balochistan Unity Committee (BYC) hruaitu Mahrang Baloch chu kum 2024-a rally neihnaa sipai pakhat kahhlum a nih kaihhnawihah dam chhung tang turin hrem a ni. Activist dang, Sibghatullah pawh damchhung tang tura hrem a ni bawk.

Prosecutor-te chuan Baloch leh Sibghatullah te hian paramilitary sipai, Shabbir Ahmed chu bei turin mipui an fuih niin an puh. Mahse an pahnih hian an puhna hi an pha thung. Baloch hi BBC-in 100 Women of 2024 a thlan zingah a tel a ni.

Security official chuan kum 2024-a Gwadar-a nawrh an huaihawtnaah Baloch chu inhuatna chawk chhuak thei zawnga thu sawiah a puh a, hei vang hian pungkhawmte chuan sipai motor-te an bei a, Shabbir Ahmed chu pawt hrangin an vaw hlum niin an sawi a ni. Activist pahnihte hi dam chhung tang tura hrem an nih bakah, Ahmed-a chhungte hnenah Pakistani rupees 200,000 pe tura tih an ni bawk.

Human Rights Commission of Pakistan chuan activist-te hremna pek chu ennawn turin a ngen a, an legal team-te chuan thubuai ngaihtuah laiin witness-te thu an zawhfiah phalsak an ni mumal lo tih an sawi. Mahse, Balochistan sorkar chuan prosecutor-te hian thiam loh chantirna tur finfiahna an nei ṭha tih a sawi a ni.