Germany, Denmark leh Czech Republic-ah khawlum ber ni thleng

Euorpe ram hrang hrangah khawlum zual, heatwave a thleng mek a, kar liam ta Inrinni khan Germany, Denmark leh Czech Republic ramah khawlum ber ni record a thleng.

Germany-ah chuan Inrinni khan khawlum lam hi 41.5 degree Celsius a kai a, a zawna a ni hnihna atan khawlum lam record a thleng a ni. Denmark-ah 37C leh Czech Republic-ah 40.8C tlingin, khawlum ber ni a thleng bawk.

Europe khawmualpuiah mi mtd 150 vel chuan khawlum zual, 35C chung lam an tuar mek a ni. World Meteorological Organisation chuan heatwave thleng mek hian hriselna lamah leh ecosystem-ah nghawng lian tak a nei dawn tih an sawi.Europe-ah hian khawlum zual thleng mek kaihhnawihah mi eng emaw zatin nunna an chan tawh a ni. Khawlum tuar nasa zual zinga mi, France ramah chuan tuipuia inchiahdaih tum, tuia tla hlum mi 55 an awm tawh.

Khawchin zirtute chuan Europe khawchhak lam bial hmun eng emaw zatah khawlum zual hi a la thleng chhunzawm dawn tih an sawi a, hetihlai hian khawthlang lamah erawh boruak a dai chho deuh tawh thung.