Israel Army chief hluiin inthlan campaign nei ṭan

Israel Army chief of staff hlui, eptu pawl hruaitu Gadi Eisenkot chuan kumin October thlaa inthlanpui an neih turah, prime minister Benjamin Netanyahu paihthlak ngei tumin Thawhlehni aṭang khan campaign a ṭan.

Inthlan campaign khuh hawnna a neihah, Eisenkot chuan Israel chuan hun bi thar a mamawh tih a sawi a, an ram hma lam hun atan October 7 sorkar chu tihtawp a ngai tawh a ni, tiin kum 2023 October 7-a Hamas-ten an ram an beih chungchang a sawi lang.

Gaza war chung changah Eisenkot hi langsar taka PM Netanyahu policy sawiseltu a ni a, kum 2023 September khan Yashar party a din a ni. Tun kara Channel12 in mipui ngaihdan a lakah, Yashar party hian parliament seat 120 zingah seat 22 la pha tura ngaih a ni a, Netanyahu-a kaihhhruai Likud party chu seat 24 la tura rin a ni bawk.

Eisenkot hi Moroccan Juda pem lut fapa a nia , Gaza indonaah a fapa Gal a thih bakah a tupa pahnihte an thi bawk. Kum 2023 October thla thleng khan Netanyahu kaihhruai hnuaiah war cabinet member a ni a, kum 2024 June khan a bang a ni.