Pentagon chief of staff a bang

US-a Department of Defence chief of staff Kevin Sweeney chuan a hna aṭangin a ban thu a puang a, US President Donald Trump-an Syria aṭanga America sipaite lakchhuah an nih tur thu a puan hnua Pentagon senior official aṭanga bang pathumna a ni. 

Rear Admiral Sweeney chuan thuchhuah a siamah, a tan chuan private sector lama kir a hun ta niin a sawi. Sweeney hian a hna hi kum 2017 January aṭang khan a chelh ṭan a, department-a a thawhpui bula kum hnih chhung hna a thawk thei chu lawmawm a tih thu a sawi. 

US Defence Secretary James Mattis pawhin nikum December thla khan a ban tur thu a lo puang tawh bawk a, a lehkha a thehluhah President Trump nen policy chungchanga ngaihdan inang lo an neih vanga ban nia hriat theih turin a ziak a ni. Department thupuangtu Dana White pawh a lo bang tawh bawk.