Singapore-ah chip tawlhruk hmanga lei in an man sak

Singapore police-te chuan Nvidia artificial intelligence (AI) chip tawlh ruk aṭanga sum hmuh hmanga lei nia hriat, in man to tak chu Nilaini khan a man.

He in man hi Singapore dollar mtd 55 (USD mtd 42) a ni a, a lei nan hian dan phal loh sum hman a ni. Thuneitute chuan he in leina man hmun thuma ṭhena hmun hnih chu thil dik lo tihna aṭanga hmuh a ni tih an sawi. Nvidia chips changkang tak tak awmna server-te phalna loa tawlh a nih chungchang an chhui zuina hnuaiah he in pawh hi man a ni. An thil chhui chuan he in hi hralh phal a ni lo tih police-te chuan an sawi bawk.

US Department of Justice chuan Singapore hi China-a thil tawlh rukna luhka pawimawh a nih thu a lo sawi fo tawh a ni.

Police-te in mansak hi Singapore-a hmun hmingthang tak, Botanic Garden bul hnaia awm a ni. Wei Zhaolun chu thil dik lo taka a tihna hmanga a sum hmuh, Singapore dollar mtd 38 vel chu he in lei nana a hman avangin money laundering thubuai siamsak a ni dawn tih police-te chuan an sawi bawk. Wei hi Aperia Group, server leh tech hardware hralh ṭhintu CEO a ni a, thuneitute cuan a bank account hrang hranga a sum dah pawh an hreksak tawh bawk.