UNESCO-in hmun hlui chei ṭhat chungchangah Pakistan vau

UNESCO chuan Pakistan rama Taxila-a hmun hlui, Mohra Moradu leh Sirkap-a chei ṭhat leh siam danglam chungchangah Pakistan chu hriattirna a pe a, an thiltih chuan heng hmun hluite nihphung, authenticity a tichhia tih a sawi. Hei vang hian he hmun hi World Heritage List atanga paih chhuah emaw, danger list-a dah emaw a thlen thei a ni.

Tun hnaia meeting neihah UN agency hian Pakistan sorkar official-te chu vaukhanin, Mohra Moradu leh Sirkap hmun hluia an thil khawih danglamte chu a ngai anga an siamṭha leh a nih loh chuan danger list-ah dah a nih tur thu an sawi.World Heritage Site list aṭanga paih chhuah an hreh dawn lo tih an hrilh bawk. UNESCO hian Germany-a World Heritage Site pakhat chu khawih danglam a nih avangin list aṭangin an lo paih tawh a, a ṭul a nih chuan Pakistan lakah pawh hetiang hian hma an la dawn tih an sawi.

Pakistan hian Vedic era lai ami tawh, Taxila-a hmun hlui, Mohra Moradu leh Sirkap bangte chu cement nen an chei ṭha nia sawi a ni a, hemi chungchang he hmun tlawhtu pakhat chuan UNESCO hnenah a thlen a ni. Hemi hnuah UNESCO chuan Pakistan official-te nena an hmunah an endik ve leh bawk. Punjab archaeology department chuan he hmun hluia bang chu, lung hmanga rem chu cement-a an lo thlak bakah a bang hi a lo tihsan belh bawk.