Trump-a'n ngenna siam hnuah China-in pastor chhuah zalen

China chuan underground church, Zion Church pastor Ezra Jin Mingri chu a man chu US president Donald Trump-a'n chhuah tura a ngen hnuah Inrinni khan a chhuah ta.

President Trump chuan May thlaa China ram a zin ṭuma China president, Xi Jinping nena inkawmnaah pastor Mingri chungchang hi a sawichhuak a ni. Pastor Jin hi China thuneituten nikum October thlaa underground church dap chhuah hna an kalpui ṭuim khan man nin, kohhran hruaitu dang 17 man tel an ni bawk. China chhim lama Beihai khaw tan-in an dah a ni.

Jin hi chhuah a nih hnuah Inrinni vek khan Los Angeles, US a pan nghal a ni. Hetih lai hian an kohhran member man ṭhenkhat chu chhuah tel an la ni lo tih Humng Rights Watch Asia director, Maya Wang chuan a sawi.

Zion Church hi China rama underground church lian ber zinga mi ni niin kum 2007-a pastor Jin-a din a ni. Sorkarah a in register duh lo a, hei vang hian kum 2018 khan an biak-in kharsak an ni a, mahse inkhawm service hi online-in an kalpui ta tho a ni. Mahse information network chu dan phal loh anga hmanga puhin man an ni ta a ni.

Jin-a fanu, Grace Jin chuan a pa chhuah a nih tak avanga Pathian chungah an lawm thu sawiin, hemi rual hian chhuah a nih theihna atan president Trump leh a kaihhruai sorkar hmalakna avangin an lawm hle tih a sawi.