Sri Lanka tan-ina buaina chhuakah mii 25 an thi

Sri Lanka rama Negombo tan-ina intihbuaina thlengah mi 25 an thi a, hilam 100 dawn an awm. Thi zingah hian prison officer pali an tel.

Kar liam ta Inrinni zan khan tan-in chhungah buaina hi a chhuak tawh a; mahse thuneitu lamin thunun theiin, buaina chhuaka inhnamhnawihte pawh an dah hrang a ni. Mahse, nimin zing khan buaina hi a chhuak thar leh a, a punlun zel avangin security mi leh sate chuan thunun tumin silaite an hmetpuak a ni. Hliam tuar zinga eng emaw zat chu silaia kah fuh an ni a, Negombo General Hospital-ah dah an ni.

Prisons Department Media thupuangtu, AC Gajanayake chuan tan-in chhunga buaina chhuah dan hi chhui chiang tur, special investigation team din nghal a nih thu a sawi a, hei bakah polie pawhin a hranin an chhui bawk a ni. Justice minister Harsahna Nanayakkar pawhin tan-in buaina thlen dan leh, he thila inhnamhnawihte chungchangah report kimchang pe turin tan-in lam thuneitute a hriattir bawk.