France-ah ram kang vangin mi tam tak sawn chhuak

France ram chuan khawlum nasa tak an tuar mek laiin, an ram chhim thlang lamah ram kang nasa tak thleng bawkin, nimin khan mi 10,000 vel chu hmun him lamah sawn chhuah an ni.

Ram kang thlenna hi Spain ramri bul, French Pyrenees tlangdungah a ni a, thli na tak a tleh tel avangin a kangkai chak hle niin an sawi. Nimin khan ram hectare 4,600 vela zau a kang tawh a ni. France leh Europe khawthlang lama ram ṭhenkhat May leh June thlaa khawlum nasa tak thleng ṭhin vangin ram kang an tuar fo a, kuminah hian kum dang aia khua a lum zual avangin ram kang tam zawk pawh a thlen a hlauhthawnawm hle. Khaw lum lam hian 40 degree celsius a thleng chho dawn nia sawi lawk a ni bawk.

Interior minister Laurent Nunez chuan nimin zinga TV-a thu a sawiah, ram kang dinhmun chu a ṭha lo hle tih sawiin, theihtawpa a ṭhelh hna thawh zel a nih thu a tarlang.