Afghan security force-te'n firfiak 10 an that

Afghanistan security force-te chuan Inrinni khan indo thlawh­theihna nen Farah-a western Afghan province-ah Taliban-te tawmbuk an bei a, firfiak 10 vel an that tih Pa­thianni khan provincial police thupuangtu chuan a sawi.

Police thupuangtu Mohi­bullah Mohib chuan firfiakte laka beihpui an thlakna kal zelah Inrinni khan provincial capital Farah khawpui bula awm Raj leh Shorabad thingtlang khuaah firfiak pasarih an that tih a sawi a ni. Garji leh Mahajiran thing­tlang khuaahte pawh beihpui hi thlakin firfiak pathum an that bawk a, beihpui hi an la thlak chhunzawm zel dawn bawk.

Hetihlai hian Taliban lam chuan thuchhuah engmah an la siam ve lo thung.