Pakistan PM hlui Sharif dinhmun ṭha lo

Pakistan prime minister hlui Nawaz Sharif-a hriselna dinhmun chu a ṭha lo hle tih a enkawltu doctor chuan a sawi. Kum 69 mi, Sharif hi kar kal ta Thawhṭanni khan Services Hospital-ah dah luh a ni a, Ningani khan hma sawn hretin a platelet pawh 35,000 aṭangin 51,000 ah a chho tih sawi a ni. Mahse Inrinni khan nasa taka tlahniam lehin, a dinhmun a ṭha lo hle. 

Islamabad High Court chuan Sharif hi enkawl a nih theih nan eiruk thubuaia kar riat chhung tang tura hremna lo pek tawh chu a titawp lailawk a ni. Chaudhry Sugar Mill thubuai kaihhnawiha thiam loh chantir a nihnaah, Lahore High Court chuan bail a dilna a lo phalsak tawh bawk.