Algerian President thlan turah candidate panga pawm

Algerian Independent Election Monitoring Authority (NIEMA) chuan Inrinni liam ta khan December 12-a President thlanna an neih turah nomination thehlut mi 23 zingah panga an pawm tih an puang.

NIEMA hotupa Mohamed Chorfi chuan press conference-ah hemi chungchang hi sawiin, candidate 23-te file chu uluk taka an enfiah hnuah pangate chu electoral law-in dan a siam ang an phak avangin an pawm tih a sawi. 

Candidate pawm tharte hi National Democratic Rally (RND) interim secretary general Azzedine Mihoubi, minister of culture hlui Abdelkader Bengrina, prime minister hlui Abdelmadjid Tebboune leh Ali Benflis-te bakah  Front of the Future Secretary General Abdelaziz Belaid-te an ni. 

NIEMA-in candidate a pawmte hi mi langsar tak tak an nih hlawm avangin inthlan boruak pawh a lian hle dawn. An hnawl tak candidate-te pawh hian ni hnih chhungin appeal an thehlut leh thei bawk. September thla khan Algerian president Abdelkader Bensalah chuan December 12-ah inthlanna an nei dawn tih hi a puang a ni.