US-in Saudi hnena ralthuam USD tld 2 dawn hu hralhna tur pawm

US State Department chuan Saudi Arabia hnenah an air defence thuam chakna turin, USD tld 1.96 man hu ralthuam hralhna tur pawm a nih thu Nilaini khan a tarlang.

State Department chuan hemi chungchanga thuchhuah a siamah, Saudi Arabia hnena ralthuam an hralh hi an foreign policy zulzui a nih thu leh, US-in non-NATO ram a thawhpuite security thuam chakna tur leh, Gulf region-a boruak ngelnghet leh economy lama hmasawnna a awmna tura a hmalakna thlawpna a ni, a ti.

Saudi Arabia-in ralthuam a lei tur zingah hian Advanced Prescision Kill Weapon Systems leh warhead 20,000 an tel. Ralthuam lei tirna turah hian Nashua, New Jersey-a BAE Systems chu contractor pui ber tur a ni thu department chuan a tarlang bawk. Saudi Arabia hi ram mala US ralthuam lei tam ber ram a ni.

US leh Iran an inbeih thar leh hnuah, Yemen-a Iran thlawp helpawl, Houthi chuan Thawhṭanni khan Saudi chhim lama Abha khawpuia airport chu missile hmangin an lo kap ve bawk a ni.