Pakistan-a firfiakte beihnaah police 3 an thi

Pakistan-a Khyber Pakhtunkhwa province-ah Nilaini khan firfiakten police convoy leh police station an bei a, police pathum an thih bakah hliam 34 an awm.

Pawikhawihna thlenna hmun hi Lower Dir district a ni a, firfiakte hian hand grenade leh silai an hmang a ni. Police convoy hi Haider-a Ladam Top bula a tlan laiin an bei a, silaia kap zuiin a hnuah police motor pahnih an hal bawk.

Nilaini vek khan Bannu district-a Miyran police station chuan firfiakten beih an tum bawk a, mahse security force-te thihchilh bomb phurtu motor chu bomb tihpuah a nih hmain an lo dang hman a ni. Kumin April thla khan he district-a Domel police station chu car bomb hmangin beih a lo ni tawh bawk a, civil mi panga an thih bakah mi 13 in hliam an tuar a ni.

Eng pawl mahin police station beitu an nih thu an la sawi lo a; mahse, thuneitute chuan Pakistani Taliban, Tehrik-e-Taliban Pakistan te tih niin an ring. Pakistan sorkar chuan TTP hi Aghanistan ram chhungah inkhuarin, Pakistan ram an bei fo niin an puh a, hei hi TTP leh Afghanistan-a Taliban sorkar chuan an pha thung.