NKorea-in US 'puppet' tiin SKorea a sawisel

North Korea chuan US kaihhruai tuipui lama sipai nunchan zirna a tel ve vangin avangin South Korea chu US-in a duh duha a thunun theih, "puppet" tiin a sawisel. SKorea leh US chuan bial chhungah boruak a sosang a nih chuan mawh an phur ang tiin North Korea state media KCNA chuan a tarlang.

Kar liam tak han Hawaii-ah Rim of the Pacific Exercise (RIMPAC) neih a ni a, tuipui lama sipai nunchan zirnaah hian South Korea navy te chu a vawi khatna atan a tel ve a ni. He nunchan zirna hi khawvel tuipui lama sipai nunchan zir hona lian ber tia sawi a ni ṭhin a, kum hnih danah an nei ṭhin. Kuminah ram 30 an tel a; Japan, Canada leh Australia pawh an tel a ni.

NKorea hian US thuhnuaia awm, 'puppet' tiin kum 2025 April thla khan a lo sawi tawh bawk. RIMPAC chu tihdan phung pangngai anga nunchan zir hona ni loin, US leh a thurualpui ramten Indo-Pacfici-a ramte laka indo an kalpuina tura inbuatsaihna zawk niin a puh.