Ukraine-in a beihnaah Russia mi 60 chuang hliam

Russia official-te chuan Inrinni zan kha Ukraine-in drone hmanga an ram a beihnaah mi pakua an thi a, mi 60 chuang an hliam tih an sawi.

Ukraine sipaite hian tun hnaiah Russia energy infrastructure leh military target-te an beih ngawrh hle a, an energy facility-te pawh eng emaw zat an lo kah chhiatsak tawh a ni. Inrinni zan khan Russia online retailer lian, Wildberries warehouse pahnih an kap fuh a, pakhat hi Tombov biala Kotovsk khuaa mi leh Moscow khawchhak lama Elektrostal khuaa mite an ni.

Ukraine president Volodymyr Zelenskyy pawhin an sipaiten Moscow leh Tombov biala hmun pawimawh tak pahnih an kah fuh thu hi Telegram-ah a tarlang a ni. Hegn hmunte hi Ukraine beihna tura drone leh navigation equiptment siamna tur supply-tuten an hman a ni tiin, Moscow khawchhak lama oil facility pawh an kap fuh tel a, a kang tih a sawi bawk. Zelenskyy chuan Ukraine special operation chu Sea of Azov leh Russia-in an ram a luahsak chhungah neih a ni bawk a ni, a ti. Russia chuan Inrinni zan khan Ukraine 379 chu an lo dansak tih an sawi ve bawk.