New York-in Israel PM man theihna thuneihna nei lo; Mayor-in Netanyahu man ngei turin US sorkar a nawr

US-a New York City mayor, Zohran Mamdani chuan New York khawpuia UN General Assembly neih hunah Israel prime minister, Benjamin Netanyahu a kal a nih chuan man ngei a tum thu sawi mah se, New York chuan Israel PM man theihna thuneihna a nei lo tih a sawi leh. Hemi hnu hian president Donald Trump kaihhruai US sorkar chu Netanyahu hi man ngei turin a nawr zui leh.

Social media-a video a tihchhuahah, Mamdani chuan Netanyahu chu war criminal a ni tiin, International Criminal Court-in manna tur, arrest warrant a tihchhuah zawma man ngei a ṭul a ni, a ti. New York khawpuia Netanyahu hi a kal a nih chuan, New York City police-te man tir theih dan kawng a ngaihtuah tih a lo sawi tawh a, mahse ICC thupek dan ang taka lo kengkawh turin thuneihna hran an nei lo tih a sawi leh a ni. Sorkar laipui erawh chuan thuneihna a nei a, hei vang hian ICC thu chu zawm ngei turin a duh thu a sawi.