Pakistan-ah UN hotu zin
United Nations Secretary-General Antonio Guterres chu ni li cham turin nimin khan Pakistan-ah a zin. Official-a Pakistan rama a zinna hmasa ber a ni.
Guterrres hi international conference on Afghan refugee-a tel tura zin a ni. A cham chhung hian Kartarpur-a Sikh sakhaw hmun thianghlim, Gurdwara Kartarpur Sahib a tlawh nghal ang.
UN chief hian vawiin aṭanga Islamabad-a neih tur, '40 Years of Hosting Afghan Refugees in Pakistan' tih thupui hmanga international conference-ah thu a sawi dawn a ni. He conference hi Pakistan sorkar leh UN Refugee Agency (UNHCR) in an huaihawt a ni a, Pakistan prime minister Imran Khan-a'n a hawng ang. Conference-ah hian US senior official eng emaw zat an tel dawn bawk.
Pakistan-a a cham chhungin Guterres hian PM Imran Khan bakah Pakistan sorkar mi pawimawh dangte a kawm dawn a, Lahore-ah zirlaite nen hun hmang hoin, polio vaccination campaign-naah a telpui bawk ang.