France President-in China tlawh

France president Edward Macron chu ni thum cham turin nimin khan China-ah a zin.

China-a a cham chhungin Macron hian China president Xi Jinping chu meeting a neihpui dawn a,  hei bakah hian vawiina Sanghai-a China International Import Expo neih turah a tel bawk ang. He expo-ah hian Europe ram hruaitu eng emaw zat an tel dawn a, EU Trade Commissioner Phil Hogan pawhin a hmanpui dawn a ni.

Macron leh China hruaitute hian insumdawn tawnna kaihhnawih thil an sawi ber rin a ni. Macron hi sumdawng aiawh eng maw zatin an zui a, China rama France thilsiam vawrh lar dan turte pawh an ngaihtuah nghal ang. 

Hetih lai hian  Human Rights Watch chuan France president hi China rama a zin chu Xinjiang-a mihring dikna chanvo palzut a nih dan te, Hong Kong-a nawrh huaihawtte chungah sorkar chet dan dik lo chungchangte sawichhuahna remchanga hmang turin an ngen. Heng bial pahnihah hian mihring dikna nasa taka palzut nia sawi ni mah se, China chuan an puhna hi a pha a, heng hmuna thil thleng chungchang hi ramchhung thil a ni a, ramdangte inrawlh lo tura a duh thu a sawi thung.