Iran hotu luin US nena inbiakna neih duh lo

Iran supreme leader Ayatollah Ali Khamenei chuan Pathianni khan US nena inbiakna neih a duh loh thu, kum 1979-a U.S. Embassy kawta buaina chhuah champha vawi 40-na an hmannaah a sawi. 

"America politics in kan ram a chhuh hneh lohna tura danna ṭha ber chu, America ram nena engkawngah mah inbiakna neih loh hi a ni. Inbiakna neih hi awmzia a awm lo a, a chhan chu inphalna leh inngaihnathiamna US hian a neih loh vang a ni" tiin Khamenei chuan US chu na taka a dem thu a sawi bawk.

US leh Iran inkar boruak hi tunhnaiah a chhe hle a, 2015 Iranian international nuclear deal aṭanga US president Donald Trump a inhnuhdawh hnu phei chuan an inkar boruak hi a chhe leh zual sauh a ni. Iranian nuclear deal hi 2015 July 14 khan Vienna-ah ziah a ni. UN Security Council permanent member Britain, China, France, Russia leh United States bakah Germany-te nen nuclear lama thawhhona thuthlung hi Iran chuan a ziak.

 

Kum 1979 November 4-a Iran zirlaiten Tehran-a U.S. Embassy complex-ah US hren Shah chhuah zalen tura an phutna US-in a tihhlawhtlin hnuah, Iran leh US hian inremna siamin, hemi hnu 1980 khan ram pahnihte hian an inremna hi an bawhchhe leh a ni.