Nepal chhim lamah tiam chin awm loin curfew puang

Nepal chhim lam, India ramri bulah tualchhung buaina nasa tak a chhuah avangin tiam chin awm loin curfew puan a ni. Buaina chhuak vang hian mi pakhat a thi a, mi dang eng emaw zatin hliam an tuar.

Pathianni khan Sunsari district-ah sakhaw pawl pahnihte an intibuai a, police-ten mipui hnawhdarh nan silaite an hmet puak a ni. Buaina chhuaka hliam zingah hian security force mi leh sa pawh an tel.

Prime minister Balendra Shah chuan tharum thawhna thleng chu pawi a tih thu sawiin, buaina chhuaka thi chhungte chu zangnadawmna pek an nih tur thu leh, mawhphurtute chu hremna pek ngei an ni dawn tih a sawi. Hliam tuarte chuan an dam thuai a duhsak thu a sawi bawk. Sorkarin thil thleng chu a chhui chian mek thu a sawi a, hemi rual hian mipuite chu inbengdai a, khawtlanga boruak muanawm siam turin a ngen.