Covid-19 : China-ah mi 1,600 chuang thi tawh
China ramah coronavirus leng mek, Covid-19 vang thia chu nimin khan mi 1,665 an tling tawh a, he hri vei zat hi mi 68,500 an tling tawh bawk.
February 15 khan Covid-19 vanga thi hi mi 142 an awm a, hri kai thar pawh 2,009 an awm bawk. National health commission chuan hri kai belh zat hi a zawnin ni thum chu hniam lam a pan tih a sawi.
Hri leng tuar nasa ber, Hubei province-ah chuan hri kai thar hi 1,843 an awm a, hetih lai hian ramchhung hmun dangah erawh hri kai thar zat hi ni 12 chhung chu hniam lam a pan tawh a ni.
China ram pawnah Covid-19 kai hi mi 500 chuang an awm tawh a, ram 30 velah a darh tawh bawk. Ram pali - France, Hong, Philippines leh Japan-ahte he hri vang hian mi pakhat ṭheuh an thi tawh bawk.