Spain-in Morocco ramriah sipai tir dawn

Spain chuan Morocco nena an inrina, Ceuta-ah raltlan tam tak an luh hnu avang leh, luh tuma an beihnaa mi pakua an thih hnuah, ramriah sipai a tir dawn tih a sawi.

Ceuta-a tualchhûng thuneitute chuan ramri hungna paltlanga raltlan tam tak an luh avang buaina an tawk nasa hle tih an sawi a, sorkawr laipui hnenah ramria harsatna thleng buaipui tura sipai tir turin a ngen a ni. Hemi hnu hian sorkar chuan Ceuta khawpui himna venghim leh civil guard-te pui turin sipai, armed forces a tirh tur thu a sawi a ni. Prime minister Pedro Sanchez leh interior minister Fernando Grande-Marlaska te chuan nimin khan Ceuta hi an tlawh bawk a ni.

Spain leh Morocco ramria buaina a punlun chhan hi Nilainia raltlan tam takin tuih hleuh kaia luh an tum vang a ni. Morocco thuneitute lam hian he ramri kan chungchangah hian thuchhuah engmah an la nei lo thung.

Spain Interior Ministry chuan ramria dinhmun thunun tura Morocco sorkar nen ṭha tak an thawh dun thu leh, Morocco police-te pawhin ramri kan tum mi tam tak an lo dan thu a sawi. Mipuite himna leh ramri himna chu an ngaih pawimawh thu a sawi a, hemi rual hian ram pum huapa national emergency puang tura tualchhung thuneitute ngenna erawh tih theih a nih rih loh thu a sawi.