Spain-ah pem luh tum lut tam vangin EU-in emergency meeting ko

Spain rama pem luh tuma tun hnaia Morocco aṭanga a ruala mi tam tak Ceutea-ah an luh avangin European Union chuan vawiinah emergency meeting a ko. Kar liam ta chhung khan Ceuta-ah hian ram dang mi lut 60,000 vel an awm hman a ni.

Spain coastguard-te chuan Ceuta bula tuipui chu veng zuiin, daidanna te an siam a ni. Ceuta-ah hian mi 84,000 vel an cheng a, kar liam ta chhunga mi 60,000 vel an luh avangin khaw chhung nunphung pawh a tibual hle. Tualchhung hotute chuan reception centre-te a tawt vek tih sawiin, sorkar lam hotute chu hma la turin an ngen. Thuneitute lamin hma an lak hnuah Ceuta-a lut tam zawk chu Morocco lamah kir tir an ni leh tawh.

Ceuta hi kum 1580 khan Spain-in awpin tun thlengin an thununna hnuaiah a la awm a ni. Africa khawmualpuia Europe ramte'n an thunun ram pahnih chauh awm zinga pakhat a ni. He hmun hi raltlante leh pem lutte tan Spain leh EU luhna kawngpui ber pakhat a ni a, hei vang hian luh tum pawh an tam ṭhin hle. Ramri hungna sang tak tak leh surveillane system-te dah niin, Spain Civil Guard leh National Police-te pawh he hmun veng tur hian dah an ni bawk.