Egypt-in emergency pawtsei

Egypt Parliament chuan an rama state of emergency puan mek, thla thum dang pawhsei rawtna chu a pawm. Kum 2017, April thlaa Egypt hmarlama biak-in beih a nih vanga mi eng emaw zat thihna a thlen hnuah sorkar chuan emergency hi a puang a ni. An ram danah chuan emergency hi a rei berah thla ruk chin puan theih a ni a, mahse a hun a zawh hnuah pawh sorkar chuan a pawhsei leh zel a ni. 

Parliament chuan thla thum dang emergency pawhsei rawtna hi pawmin, armed force leh police-te chu firfiakten pawikhawihna an thlen tur venna kawngah a ṭul ang apianga hma la tura mawh­phurhna pek a ni. Ram pumah venhimna ṭha tak kalpui a, mipui leh sorkar hmunte venghim tura tih an ni.