Thailand-a inkahna thlengah mi 8 an thi

Thailand-a Nonthaburi province-ah nimin khan mipa tleirawl pakhatin silaiin mi pasarih a kaphlum a, a hnuah amah a intihlum zui bawk. A kahhlum zingah hian a pi leh pu pawh an tel. Hliam 15 an awm bawk.

Pawikhawihtu hi kum 14 mi a ni a, inkahna thlenna hmun hi Bangkok hmarlama Nonthapuri province-a Bang Kruai district a ni. A silai hman hi a pu silai a ni a, a pi leh pute chu an inah a kahhlum hnuin a school kalna, Desbirin Nonthaburi School-ah silai hi a pawng kah zui leh a ni. A silai hi vawi 26 vel a hmet puak niin police-te chuan an sawi a, silai mu 34 a la kawl bawk. Pawikhawihtu hi a hming puanzar a la ni lo a, local media-ten a thlalak an tihchhuahah school uniform ha leh cross-body bag a ak a ni. Silai a hmehpuah hnuah amah hi a luah a inkap zui ve leh nia sawi a ni a, report ṭhenkhat chuan police-ten an kap hlum niin an sawi thung.

Prime minister Anutin Charnvikarul chuan pawikhawihna thleng chu pawi a tih thu sawiin, thi chhungte leh hliam tuarte a tawrhpui thu a sawi. Hliam tuarte pawh ṭha taka enkawl turin official-te a chah a ni.