Pakistan PM hlui fanu bail phalsak

Pakistan-a judge member pahnih awmna Lahore High Court (LHC) chuan Chaudhry Sugar Mills case vanga thubuai nei mek, Pakistan prime minister  hlui Nawaz Sharif fanu Maryam Nawaz bail dilna chu a pawm sak.

Justice Ali Baqar Najafi kaihhruai court hian October 31 khan Chaudhry Sugar Mills case kaihhnawiha pawisa tichingpena puh, Maryam Nawaz chungchang hi an ngaituah nawn leh a ni. Nawaz hian bail a dilna chhan hi a pa dinhmun a hlauhthawnawm vang niin a sawi. Nawaz Sharif hi a hriselna ṭhat loh avangin jail aṭanga lak chhuak a nih hnuah, damdawiin lamah enkawl mek a ni.

Sharif-a fate pathum dang Hussain, Hasan leh Asma-te chu London lamah an la awm nia sawi a ni. A fapate hi Pakistan court chuan eiruk thubuaiah thiam loh a chantir vek bawk. Nawaz bail chungchangah Lahore High Court chuan Chaudhry Sugar Mills case-a sum tihchingpena puh, Nawaz hi a thil tihsual tihchian a nih hma chu jail-a dah a rem loh thu an tarlang. Kum 46 mi Nawaz hi Avenfield corruption case-ah thiam loh changin, kum 7 lungin tang tura hrem a ni a, mahse bail a chhuah leh a ni.