Putin-a'n thliarkar inchuh a tlawh; Japan-in a dem

Russia president Vladimir Putin-a'n thliarkar inchuh lai,Kuril islands a tlawh chu Japan chuan na tak a dem thu a sawi.

Ningani khan Russia sorkar media-te chuan Putin-a hian Russia leh Japan-in an inchuh Kuril thliarkar a tlawh tih an tarlang a ni. Hemi hnu hian Japan foreign minister Toshimitsu Motegi chuan X-ah thuchhuah siam nghalin, he thliarkar hi an history bakah, international law hnuaiah pawh Japan ram a nih thu a sawi a, hetih laia Russia President-in he hmun a tlawh hi Japan sorkar chuan na takin a dem tih a sawi a ni.

Ram pahnihte hian kum tam tak chhung Kuril thliarkar hi neitu zawk nih an lo inchuh tawh a ni. Hei hi Indopui II-na zawh hnuah Russia leh Japan-ten inremna thuthlungan ziah loh chhan ber pawh a ni bawk.

Putin-a thliarkâr tlawh hi Russia-ah chuan Iturup tia hriat a ni a, Japan-ah chuan Etorofu tia koh a ni thung.