Lebanon-in thi tura hremna nuaibo dawn

Lebanon parliament chuan thi tura hremna, death penalty nuaibo a remti. Arab ram zingah thi tura hremna pek aia dam chhung lung-in tan leh rim taka hna thawhtir hremna hmang hmasa ber ram a ni dawn a ni. He dan thar hi President-in hming a ziah hnan a, official-a tihchhuah a nih hunah hman ṭan a ni ang.

Lawmaker Imad al-Hout chuan he dan thar hian thi tura hrem leh dam chhung lung-in tang tura hremte chu an tan hun chhung chu kum 17-ah a tihniam a ni, a ti. Lebanon-ah hian lung-in tangte tan kum khat hi thla 9 anga chhut a nih avangin,dam chhung tang tura tihte tan hun chhung hi kum 12 leh thla 9 a ni.

Dan angin puang chhuak lo mah se, Lebanon hian kum 2004 January thla aṭang khan thi tura hremna pek hi a lo titawp tawh a ni. Court-ah chuan he hremna hi pek la ni tho mah se, a taka kaltlangpui a ni tawh lo. Amnesty International in a report danin, kum 2025 December thla thleng khan khawvela ram hmun lia ṭhena hmun thum chuan death penalty hi an nuaibo tawh a ni. Hetichung hian nikum chhung khan thiam loh chantira tihhlum hi khawvel pumah mi 2,707 an la awm.