Hamas hotuin inbiakna nei turin Cairo a thleng

Palestinian firfiak pawl, Hamas political chief Khalil al-Hayya chu Egypt official-te nena inbiakna nei turin Inrinni khan Egypt khawpui, Cairo a thleng.

Hayya hi July thla tawp lam khan Hamas hotu atana ruat a ni a, hruaitu a nih hnua Egypt a tlawhna hmasa ber a ni. Egypt intelligence hotu, Hassan Rashad nen an inhmu ang.

Hetih lai hian US president Donald Trump-a palai, Jared Kushner pawhin tun kar hian Israel leh Egypt tlawh a tum bawk a, Gaza Strip-a Trump-a representative Nickolay Mladenov in a ṭawiawm dawn a ni. President Trump-a'n a din, Board of Peace-in Gaza Strip tana ruahmanna a siam, Israel prime minister Benjamin Netanyahu-a'n an pawm loh thu a sawi avangin, Kushner leh Mladenov hian Israel hruaitu hi an hmu dawn a, inbiakna an neihpui dawn a ni.

Board of Peace in ruahmanna a siam hi July thla tawp lam kha Hamas chuan an pawm thu an lo sawi tawh a ni. An ruahmanna hnuaiah hian Hamas-ten an ralthuam an dah thlakna tur leh, Gaza Strip aṭanga Israel sipaite lak chhuahna turte a tel. Mahse,Netanyahu chuan an sipaite chu lak chhuah an ni dawn lo tih a sawi thung.