Iran-in US sipai thattu emaw mantu emaw hnenah lawmman pek tiam

Iran sipai US sipai thattu emaw, nungdama mantu emaw hnenah lawmman atan USD 30,000 hu pek an tiam tih Pathianni khan an puang. US sipai mantu hi hmeichhia a nih phei chuan lawmman hi a let hnihin an tipung dawn a ni.

Iran sipai hotu Amir Hatami chuan mi tam takin ngenna an thlen avanga he ruahmanna hi siam an nih thu a sawi. Kumin February thla tawp lam aṭanga Middle East-a indona a thlen chhungin Iran ram chhungah US khawmual sipai dah luh hriat a la ni lo.April thlaa US thlawhtheihna chesuala sipai tla pakhat chu chhan chhuah a lo ni tawh a ni.

Hatami pawhin khawi hmunah nge US sipaite an awm tih a sawi lang chuang lo a ni. Hemi rual hian Middle East aṭanga US sipaite inhnukdawk tura Iran-in a phut thu sawi nawn lehin; Persian Gulf, Gulf of Oman, leh Strait of Hormuz-ah luh phalna an nei tawh lo, a ti.