Sudan satellite hmasa ber kapchhuak

Sudan chuan a satellite hmasa ber chu China-in a kahchhuah sak tih Thawhlehni khan a sawi. He satellite hi military, economic leh space technology zirchian nan hman a ni dawn a ni. Sudan sovereign council hotu, General Abdel Fattah al-Burhan chuan an ram khawpui, Khartoum-a security official-te nena meeting an neihnaah satellite kahchhuah a nih thu hi a sawi. He satellite, Sudan Remote Sensing Satellite (SRSS-1) hi Pathianni khan China  hmarlam, Shanxi province aṭanga kahchhuah a ni. Thla reilote hnuah satellite hi Sudan aṭangin vil zui a ni ang.