Flipkart-in India Quick-Commerce khawvelah hma a sawn

Walmart ta Flipkart chuan India-a a quick-commerce khawvel a luhchilh hnuah hman ṭangkai leh ngainat a hlawh chho mek zel. Kum hnih liam ta khan India-ah Flipkart Minutes chu bul ṭanin, tunah chuan ramchhunga quick-commerce lian hrang hrang Zepto, Blinkit leh Swiggy Instamart-te pawh a khum hnai tawh viau.

A tirah chuan rang taka bungraw thawn thlen zung zungna an kalpui Flipkart Minutes hi Bangalore hmun tlemteah chauh kalpui ṭan a ni a; mahse, tunah chuan hmun hrang hrangah huang zauh zel a ni. A bikin naupang leh ṭhalaite mamawh, electronics thil leh nitin mamawh chi hrang hrang minute 10-15 chhung lekin an thawn thlen hman ṭhin avangin ṭhalaite zingah duhtu an pung chho hle.

Hetih laiin Blinkit chu market leader a ni chhunzawm zel a, nitin order maktaduai 3.4–3.6 vel an thawn chhuak ṭhin. Pahnihna chu Zepto niin nitin order maktduai 2.4 -2.6 vel an thawn chhuak ziah bawk. Swiggy Instamart chu nitin order mtd 1.3 - 1.45 thawn chhuakin pathumna a ni a, Flipkart Minutes pawh kum 2 chhung lekin order mtd 1.1-1.2 nitin thawn chhuak a, market leader a nih thuai a rinawm.