Iran leh Oman-in Hormuz tuipui kawngah kalna tur thar siam remti

Iran leh Oman chuan Strait of Hormuz-a lawng kalna tur kawng thar hman an remti niin Iran chuan a sawi. Hemi rual hian Hormuz Strait chu US leh Iran in inremna an lo siam tawh anga US-in a mawhphurhna a hlen hma chu hawn a nih loh tur thu a sawi bawk.

Iran deputy foreign minister (legal and international affairs) Kazem Gharibabadi chuan Thawhlehni khan Tehran-a he tuipui kawng enkawl dan tur ruahmanna an sawi ho hnuah he thu hi a puang a ni. Iran leh Oman hi he tuipui kawng,Hormuz Strait kam hnaiha ram awm an ni a, kar eng emaw zat chhung tuipui kawng pawimawh enkawl dan tur hi an lo sawi ho tawh a, tuipuia bomb (mine) phumte thenfai dan tur an sawi ho bawk a ni.

Gharibabadi chuan he tui kawng thar an ruahman hi Iran tuipui huam chhung aṭanga luh tur a ni a, chhuahna pawh a ṭhen chu Iran tuipui huam chhung bawk a nih tur thu a sawi. Lawng kalna tur kawng hi km 11.3 vela zau a ni ang. Tuipui kawng thar enkawl dan tur hi an la rel leh dawn tih an sawi bawk.