Northern Cyprus-ah mi 270 phurtu lawng chesual

Northern Cyprus tuipuiah Pathianni khan mi 270 phurtu lawng chesualin a let a, mi pasarih an thi.

Northern Cyprus prime minister Unal Ustel chuan lawnga chuang zinga mi 237 chhan chhuah an ni tawh a, mi dang 24 bo mekte zawn mek an nih thu a sawi. Lawng hi a kal chhuah aṭanga minute 15 hnu velah khua a chhe zui hle a, lawngah hia tui a lut tih a sawi bawk. A chetsual hma hian puih an ngaih thu an thawn chhuak hman.

Lawng hi Kyrenia lawng chawlhna, Cyprus hmarlam bial aṭanga Turkey-a Mersin province-a Tasucu lawng chawlhna pan tur a ni. Kyrenia Mayor Murat Senkul-a chuan he lawng hi Filo Denizcilik ferry company ta a nih thu leh, Northern Cyprus-a Diana lui kam hnaihah a pil tih a sawi. Report-in a tarlan danin, tuipui kam aṭanga kilometer 7.5 vela hla an thlenin lawngah hian tui a lut ṭan a ni.