Turkey, Saudi leh Pakistan-in ministerial meeting nei

Turkey, Saudi Arabia leh Pakistan defence leh foreign affairs minister-te chuan nimin khan Turkey khawpui, Istanbul-ah meeting an nei. Hei hi August thla tira ram pathumten defence lama thawh hona tur, Mecca Joint Defence Agreement an ziah fel hnuah ministerial meeting an neihna hmasa ber a ni.

Mecca Joint Defence Agreement hi ram pathumten beih an tawh palh pawha an inpuihtawn leh thawh hona tura inremna an siam a ni. Iran leh US induna thlen mek leh,Iran thlawp Yemen helpawl, Houthi ten an chhehvel ramte a beihna thleng fo karah thawh hona tur hi an siam a ni.

Nimina meeting-ah hian ram pathum foreign leh defence minister-te bakah sipai hotu liante an tel bawk th Turkey Foreign Ministry chuan a sawi.

Pakistan aiawhin deputy prime minister leh foreign mnister Ishaq Dar bakah defence minister leh defence forces commander an tel a; Saudi Arabia aiawhin foreign minister, defence minister leh chief of general staff an tel bawk.

Ram pathum hotute hian venhimna lama an theihna tihhmasawn te, an sipaite thawh hona te leh, venhimna hmanrua leh bungrua siamna lama thawh hona te sawiho a ni.