2018 inthlanah Mugabe-a’n chuh leh dawn

Zimbabwe President Robert Mugabe chuan kum 2018-a an ram President thlanna nei turah a chuh leh dawn tih an party, Zanu-PF party chuan a tichiang. Kum 92-a upa, Mugabe hian kum 1980-a Britain aṭanga an indan aṭangin Zimbabwe-ah hian ro a la rel chhunzawm reng a ni.

Kar kalta Inrinni-a Masvngo-a Zanu-PF annual conference neihah President Mugabe hian party candidate atana an rawtna chu a pawm thu a sawi. Conference-ah hian an party youth wing chuan Mugabe hi a damchhung an ram president atana dah an rawt bawk.

Party candidate atana rawtna a pawm thu a sawinaah, Mugabe chuan party chhunga inhruipawhna awm ṭhin chu titawp turin member-te a ngen. Party thu≠thlung chu zawm ṭheuh tura ngenin, chhungkua an nih tih chu hre reng tur≠in a ngen a ni. Party member ṭhenkhat chuan Mugabe hi bang tawh turin an duh a ni.

Eptute chuan kum 2013 inthlana Mugabe chak dan kha a dik tawk lo a, vote tihchingpen a nih thu an sawi. Mugabe-a rorelna hnuaiah an ram sum dinhmun chuan tlakhniam lam a pan zel nia sawiin, eptute chuan bang turin an lo nawr fo tawh bawk. Mugabe hi a kum upain chak lo viau mah se a la zinkual nasa hle a, kum 100 dam thlen a duh thu a sawi.