Poland-ah press mite zalenna phutin kawng zawh

Poland ramah chuan press mite zalenna pek phutin kawngzawh huaihawt a ni.

Inrinni zing khan Parliament kawtah lungawi lohna lantirin kawng zawh a ni a, hemi hma hian Parliament chhungah eptu MP-te chuan sit-in protest an huaihawt tawh bawk.

Poland sorkar chuan Parliament-a journalist-te awm thei zat tur bihthliah a, khuahkhirhna siam a tum a, hei hi chanchinbu mite chuan an duh lo a ni.

Inrinni-a kawngzawh huaihawtnaah hian venhim hna thawk turin police ṭha≠hnem tak dah an ni. President chenna kawtah mi 2,000 vel pungkhawmin, ëzalenna, intluktlanna leh democracyí an duh thu an aupui a, mi ṭhenkhatin an ram danpui copy-te an lek lang bawk. Mipui pungkhawmte hian President chenna in
aṭang hian Parliament panin kawng an zawh zui a ni.

Eptu pawl Nowoczesna party hotu, Ryszard Petru chuan sorkar chu parliament kalphung dik lo taka hmangah a puh a, ìSorkar chuan journalist-te an luh a phalsak lo a, inkharkhipin hmun dangah ro an rel a, chu chu parliament rorel tiin an sawi leh si a niî, a ti.

Sorkarin ruahmanna a siamah chuan nakkum
aṭangin Parliament-ah hian reporter thlan bik chauh an luh phalsak an ni dawn a, TV station panga chauh chu parliament session record tih phalsak an ni dawn bawk.